गोदाकाठची फोटोग्राफर, जी त्यावर चालवतेय आपलं घर

बीबीसी न्यूजने थेट त्यांच्या कामाची दखल घेतली तेव्हा खरंतर सुमित्रा यांचे काम प्रकाशझोतात आले. सार्वजनिक ठिकाणी पर्यंटकांचे फोटो काढणाऱ्या सुमित्रा यांनी हे काम परिस्थितीमुळेच सुरू केले. सुमित्रा यांचे पती खरंतर हा व्यवसाय करतात, मात्र जेव्हा सुमित्रा यांचे सासरे आजारी पडले तेव्हा त्यांना गावी जावे लागले आणि घराची जबाबदारी सुमित्रांच्या खांद्यावर आली. अशावेळी पदरी शिक्षण नसल्याने काय काम करता येईल असा विचार केला असता, त्यांच्या पतींनी त्यांना कॅमेऱ्याचे आणि फोटोग्राफीचे तंत्र शिकवले. अर्जंट फोटो कसे काढायचे, ते प्रिंट कसे करायचे हे सगळं काही सुमित्रा शिकल्या आणि मग त्यांनी गोदावरी काठच्या पर्यटकांचे फोटो काढून देण्यास सुरुवात केली.